Lazer cilalama

Lazer cilalama hansı problemlərdə tətbiq olunur?

• sızanaqdan sonra qalan çapıqlar və izlər (postakne);
• yanıq izləri;
• digər çapıqlar və striyalar;
• xırda qırışlar və yaşlanma əlamətləri;
• dərinin nahamarlığı, ləkələr və qeyri-bərabər dəri tonu;
• göz ətrafı piqmentasiya.

Lazer cilalama necə təsir edir?

Lazer şüası epidermisin üst qat hüceyrələrinə təsir edir və toxumalar qızır. Bunun nəticəsində dəri yenilənir, cavanlaşır və liftinq effekti əldə olunur. Cilalamanın dərinliyi dərinin vəziyyətinə görə həkim tərəfindən seçilir.

Prosedur necə keçir?

• Müddət: prosedur təxminən 30 dəqiqə çəkir.
• Anesteziya: dərin lazer cilalama anesteziya ilə aparılır.
• Seanslar: sızanaq çapıqlarında adətən 3–4 prosedur, aralarında 1 ay fasilə ilə aparılır.
• Mövsüm: Dr. Vaqif Abdullayev lazer cilalamanı əsasən qış aylarında aparır.

Çapıqlar nədən yaranır?

Çapıq zədələnmə, cərrahi müdaxilə və ya iltihabi prosesdən sonra dərinin bərpası nəticəsində yaranan kobud lifli birləşdirici toxumadır. Çapıqlar dəri səviyyəsindən hündür (hipertrofik), dəri ilə eyni səviyyədə (normotrofik) və ya dəriyə batmış (atrofik) ola bilər. Onları aradan qaldırmaq üçün lazerlə cilalama, dermabraziya, krioterapiya, kimyəvi pilinq, steroid hormon inyeksiyaları və cərrahi üsullardan istifadə olunur.

Kimyəvi pilinq

Kimyəvi pilinq ölü dəri hüceyrələrini təmizləyir, dərinin yenilənməsinə və ləkələrin azalmasına kömək edir. Pilinq növü dəri tipinə və ehtiyacına uyğun seçilməlidir, çünki hər pilinq hər dəriyə uyğun gəlmir. Həddindən artıq tətbiq dərinin qıcıqlanmasına və qızarmasına səbəb ola bilər. Buna görə pilinqdən əvvəl dəri tipi müəyyən edilir.