Ocaqlı alopesiya: səbəbləri, əlamətləri və müalicəsi

Ocaqlı alopesiya niyə yaranır?

Bu xəstəlikdə orqanizmin müdafiə hüceyrələri olan T-limfositlər («killer» hüceyrələr) insanın öz saç köklərini yad toxuma kimi qəbul edir və zədələyir. Nəticədə saç kökləri saçı saxlaya bilmir və həmin nahiyədə ocaq formasında tökülmə yaranır.

Xəstəliyin dəqiq səbəbi məlum deyil. Onun yaranmasında aşağıdakı amillər rol oynaya bilər:

• autoimmun reaksiyalar;
• genetik meyl — ailədə bu xəstəliyin olması;
• güclü psixoloji və ya fiziki stress;
• bəzi dəri xəstəlikləri və allergik reaksiyalar.

Ocaqlı alopesiyanın əlamətləri

• dairəvi və ya oval formalı tüksüz sahələrin yaranması;
• tökülmüş sahədə dərinin hamar və normal rəngdə olması;
• tüklərin kövrəkləşməsi və nazikləşməsi;
• bəzi hallarda dırnaqlarda incəlmə və ya çuxurcuqlar.

Növləri

Ocaqlı alopesiya ilə bağlı yanlış fikirlər

Xalq arasında ocaqlı saç tökülməsini tez-tez qurdla və ya bağırsaq problemi ilə əlaqələndirirlər. Dr. Vaqif Abdullayev vurğulayır ki, bu fikirlər yanlışdır: ocaqlı alopesiya autoimmun xəstəlikdir.

Ocaqlı alopesiya necə müalicə olunur?

• Müayinə. Dermatoloq tökülmənin tipini trixoskopiya ilə dəqiqləşdirir. Bəzi xəstələrdə ocaqlı alopesiya ilə androgenetik alopesiya eyni zamanda rast gəlinir və müalicə planı buna uyğun qurulur.
• Müalicə kursu. Regenerativ müalicə adətən 5–6 prosedurdan ibarət olur, prosedurlar arasında 1–2 həftə və ya 1 ay fasilə verilir.
• Müddət. Müalicə orta hesabla 3–5 ay davam edir.